श्यामलादंडकं
श्यामलादंडकं ध्यानम् माणिक्यवीणामुपलालयंतीं मदालसां मंजुलवाग्विलासाम् | माहेंद्रनीलद्युतिकोमलांगीं मातंगकन्यां मनसा स्मरामि ||1|| चतुर्भुजे चंद्रकलावतंसे कुचोन्नते कुंकुमरागशोणे | पुंड्रेक्षुपाशांकुश पुष्पबाणहस्ते नमस्ते जगदेकमातः || 2 || विनियोगः माता मरकतश्यामा मातंगी मदशालिनी | कुर्यात्कटाक्षं कळ्याणी कदंबवनवासिनी || 3 || स्तुतिजय मातंग तनये जय नीलोत्पलद्युते | जय संगीतरसिके जय लीलाशुकप्रिये || 4 || दंडकम्जय जननि सुधासमुद्रांतरुद्यन्मणी द्वीपसंरूढ बिल्वाटवी मध्यकल्पद्रुमाकल्प-कादंबकांतार-वासप्रिये कृत्तिवासप्रिये सर्वलोकप्रिये , सादरारब्ध-संगीत-संभावना-संभ्रमालोलनी पस्रगाबद्ध-चूलीसनाथत्रिके सानुमत्पुत्रिके , शेखरीभूत-शीतांशुरेखा-मयूखावली-बद्धसुस्निग-नीलालक-श्रेणिशृंगारिते लोकसंभाविते कामलीलाधनुस्सन्निभ-भ्रूलतापुष्पसंदोह-संदेह-कृल्लोचने वाक्सुधासेचने चारुगोरोचना पंककेळी-ललामाभिरामे सुरामे रमे , प्रोल्लसद्वालिका-मौक्तिकश्रेणिका-चंद्रिकामंडलोद्भासि लावण्यगंडस्थल-न्यस्तकस्तूरिकापत्र-रेखासमुद्भूत सौरभ्यसंभ्रांत-भृंगांगनागीत-सांद्रीभवन्मंद्र-तंत्रीस्वरे ...
