శ్యామలాదండకం

 

శ్యామలాదండకం

 

ధ్యానమ్ 

మాణిక్యవీణాముపలాలయంతీం మదాలసాం మంజులవాగ్విలాసామ్ |

మాహేంద్రనీలద్యుతికోమలాంగీం మాతంగకన్యాం మనసా స్మరామి ||1|| 

చతుర్భుజే చంద్రకలావతంసే కుచోన్నతే కుంకుమరాగశోణే | పుండ్రేక్షుపాశాంకుశ పుష్పబాణహస్తే నమస్తే జగదేకమాతః || 2 || 

వినియోగః

మాతా మరకతశ్యామా మాతంగీ మదశాలినీ |

కుర్యాత్కటాక్షం కళ్యాణీ కదంబవనవాసినీ || 3 || 

స్తుతిజయ మాతంగ తనయే జయ నీలోత్పలద్యుతే |

జయ సంగీతరసికే జయ లీలాశుకప్రియే || 4 ||

దండకమ్జయ జనని సుధాసముద్రాంతరుద్యన్మణీ ద్వీపసంరూఢ బిల్వాటవీ మధ్యకల్పద్రుమాకల్ప-కాదంబకాంతార-వాసప్రియే కృత్తివాసప్రియే సర్వలోకప్రియే, సాదరారబ్ధ-సంగీత-సంభావనా-సంభ్రమాలోలనీ పస్రగాబద్ధ-చూలీసనాథత్రికే సానుమత్పుత్రికే, శేఖరీభూత-శీతాంశురేఖా-మయూఖావలీ-బద్ధసుస్నిగ-నీలాలక-శ్రేణిశృంగారితే లోకసంభావితే కామలీలాధనుస్సన్నిభ-భ్రూలతాపుష్పసందోహ-సందేహ-కృల్లోచనే వాక్సుధాసేచనే చారుగోరోచనా పంకకేళీ-లలామాభిరామే సురామే రమే, ప్రోల్లసద్వాలికా-మౌక్తికశ్రేణికా-చంద్రికామండలోద్భాసి లావణ్యగండస్థల-న్యస్తకస్తూరికాపత్ర-రేఖాసముద్భూత సౌరభ్యసంభ్రాంత-భృంగాంగనాగీత-సాంద్రీభవన్మంద్ర-తంత్రీస్వరే సుస్వరే భాస్వరే, వల్లకీవాదన-ప్రక్రియలోల-తాలీదలాబద్ధ-తాటంకభూషా-విశేషాన్వితే సిద్ధసమ్మానితే, దివ్యహాలామదోద్వేల-హేలాలసచ్చక్షురాందోల-నశ్రీ సమాక్షిప్త-కర్లేకనీలోత్పలే శ్యామలే పూరితాశేష-లోకాభివాంఛాఫలే శ్రీఫలే, స్వేదబిందూల్లసద్భాల-లావణ్య నిష్యంద-సందోహ-సందేహకృన్నాసికా-మౌక్తికే సర్వవిశ్వాత్మికే సర్వసిద్యాత్మికే కాలికే ముగ్గమందస్మితోదార-వక్తస్ఫురత్ పూగతాంబూల-కర్పూరఖండోత్కరే జ్ఞానముద్రాకరే సర్వసంపత్కరే పద్మభాస్వత్కరే శ్రీకరే, కుందపుష్పద్యుతి స్నిగ్ధదంతావలీ-నిర్మలాలోల-కల్లోల-సమ్మేలనస్మేరశోణాధరే చారు వీణాధరే పక్వబింబాధరే,

సులలిత నవయౌవనారంభ-చంద్రోదయోద్వేల-లావణ్యదుర్గా-భవావిర్భవత్కంబు-బింబోకభృత్కంధరే సత్కలామందిరే మంథరే దివ్యరత్నప్రభాబంధురచ్ఛన్న-హారాదిభూషాసముద్యోత-మానానవద్యాంగశోభే శుభే, రత్నకేయూర-రశ్మిచ్చటాపల్లవ-ప్రోల్లసదోల్లతారాజితే యోగిభిః పూజితే విశ్వవిజ్మండల వ్యాప్త మాణిక్యతేజస్స్ఫురత్కంకణాలంకృతే విభ్రమాలంకృతే సాధుభిః పూజితే వాసరారంభవేలాసముజ్జృంభ మాణారవింద-ప్రతిద్వంద్వి-పాణిద్వయే సంతతోద్యద్దయే అద్వయే దివ్యరత్నోర్మికా-దీధితిస్తోమ సంధ్యాయమానాంగులీ-పల్లవోద్యన్నఖేందు-ప్రభామండలే సన్నుతా-ఖండలే చిత్రభామండలే ప్రోల్లసత్కుండలే, 

తారకారాజి-నీకాశహారావలి-స్మేర చారుస్తనాభోగ-భారానమన్మధ్య-వల్లీవలి-చ్ఛేదవీచీసముద్య-త్సముల్లా-సందర్శితాకార-సౌందర్యరత్నాకరే వల్లకీభృత్కరే కింకరశ్రీకరే, హేమకుంభోపమోత్తుంగ వక్షోజభారావనమే త్రిలోకావనమే లసద్వృత్తగంభీర నాభీసరసీర-శైవాలశంకాకర-శ్యామరోమావలీ-భూషణే మంజుసంభాషణే, చారుశించత్కటీసూత్ర-నిర్భత్సితా-నంగలీల-ధనుశ్శించినీ-డంబరే దివ్యరత్నాంబరే,

పద్మరాగోల్లసన్మేఖలా-మౌక్తికశ్రేణి-శోభాజిత-స్వర్ణభూభృత్తలే చంద్రికా శీతలే వికసితనవకింశుకాతామ్రదివ్యాం శుకచ్చన్న చారూరుశోభా-పరాభూతసిందూర-శోణాయమానేంద్ర-మాతంగహస్తాలే వైభవానరలే శ్యామలే కోమలస్నిగ-నీలోత్పలోత్పాదితానంగ-తూణీరశంకా-కరోదార జంఘాలతే చారులీలాగతే నమదిక్పాలసీమంతినీ కుంతలస్నిగ-నీలప్రభాపుంజ-సంజాతదుర్వాంకురాశంక సారంగసంయోగ-రింఖన్నఖేందూజ్జ్వలే ప్రోజ్జ్వలే నిర్మలే ప్రహ్వ దేవేశ లక్ష్మీశ భూతేశ తోయేశ వాణీశ కీనాశ దైత్యేశ యక్షేశ వాయ్వగ్నికోటీరమాణిక్య సంహృష్టబాలా తపోదామ లాక్షారసారుణ్యతారుణ్య లక్ష్మీగృహీతాంఘ్రిపద్మే సుపద్మే ఉమే, సురుచిరనవరత్నపీఠస్థితే సుస్థితే రత్నపద్మాసనే రత్నసింహాసనే శంఖపద్మద్వయోపాంకితే విశ్రుతే తత్ర విఘ్నేశదుర్గావటు క్షేత్రపాలైర్యుతే మత్తమాతంగ కన్యాసమూహాన్వితే భైరవైరష్టభార్వేష్టితే మంచులామేనకాద్యంగనామానితే దేవి వామాదిభిః శక్తిభిస్సేవితే ధాత్రి లక్ష్మ్యాది శక్త్యష్టకైః సంయుతే మాతృకామండలైర్మండితే యక్షగంధర్వసిద్దాంగనా మండలైరర్చితే, 

భైరవీ సంవృతే పంచబాణాత్మికే పంచబాణేన రత్యా చ సంభావితే ప్రీతిభాజా వసంతేన చానందితే భక్తిభాజం పరం శ్రేయసే కల్పసే యోగినాం మానసే ద్యోతసే ఛందసామోజసా భ్రాజసే గీతవిద్యా వినోదాతి తృప్లిన కృష్ణాన సంపూజ్యసే భక్తిమచ్చేతసా వేధసా స్తూయసే విశ్వహృద్యేన వాద్యేన విద్యాధరైర్గీయసే, శ్రవణహరదక్షిణక్వాణయా వీణయా కిన్నరైర్గీయసే యక్షగంధర్వసిద్దాంగనా మండలైరర్చ్యసే సర్వసౌభాగ్యవాంఛావతీభిర్వధూభిస్సురాణాం సమారాధ్యసే సర్వవిద్యావిశేషత్మకం చాటుగాథా సముచ్చారణాకంఠమూలోల్లసద్వర్ణరాజిత్రయం కోమలశ్యామలోదారపక్షద్వయం తుండశోభాతిదూరీభవత్ కింశుకం తం శుకం లాలయంతీ పరిక్రీడగా,

పాణిపద్మద్వయేనాక్షమాలామపి స్ఫాటికీం జ్ఞానసారాత్మకం పుస్తకంచాంకుశం పాశమాబిభ్రతీ తేన సంచింత్యసే తస్య వక్షాంతరాత్ గద్యపద్యాత్మికా భారతీ నిస్సరేత్ యేన విధ్వంసనాదా కృతిర్భావ్యసే తస్య వశ్యా భవంతి స్త్రియః పూరుషా యేన వా శాతకంబద్యుతిర్భావ్యసే సోపి లక్ష్మీసహసైః పరిక్రీడతే, కిన్న సిద్ధ్యేద్వపుః శ్యామలం కోమలం చంద్రచూడాన్వితం తావకం ధ్యాయతః తస్య లీలా సరోవారిధీః తస్య కేలీవనం నందనం తస్య భద్రాసనం భూతలం తస్య గీర్దేవతా కింకరి తస్య చాప్టాకరీ శ్రీ స్వయం, 

సర్వతీరాత్మికే సర్వ మంత్రాత్మికే, సర్వ యంత్రాత్మికే సర్వ తంత్రాత్మికే, సర్వ చక్రాత్మికే సర్వ శక్త్యాత్మికే, సర్వ పీఠాత్మికే సర్వ వేదాత్మికే, సర్వ విద్యాత్మికే సర్వ యోగాత్మికే, సర్వ వర్ణాత్మికే సర్వగీతాత్మికే, సర్వ నాదాత్మికే సర్వ శబ్దాత్మికే, సర్వ విశ్వాత్మికే సర్వ వర్గాత్మికే, సర్వ సర్వాత్మికే సర్వగే సర్వ రూపే, జగన్మాతృకే పాహి మాం పాహి మాం పాహి మాం దేవి తుభ్యం నమో దేవి తుభ్యం నమో దేవి తుభ్యం నమో దేవి తుభ్యం నమః ||