श्यामलादंडकं

 श्यामलादंडकं

 

ध्यानम्

माणिक्यवीणामुपलालयंतीं मदालसां मंजुलवाग्विलासाम् |

माहेंद्रनीलद्युतिकोमलांगीं मातंगकन्यां मनसा स्मरामि ||1||

चतुर्भुजे चंद्रकलावतंसे कुचोन्नते कुंकुमरागशोणे | पुंड्रेक्षुपाशांकुश पुष्पबाणहस्ते नमस्ते जगदेकमातः || 2 ||

विनियोगः

माता मरकतश्यामा मातंगी मदशालिनी |

कुर्यात्कटाक्षं कळ्याणी कदंबवनवासिनी || 3 ||

स्तुतिजय मातंग तनये जय नीलोत्पलद्युते |

जय संगीतरसिके जय लीलाशुकप्रिये || 4 ||

दंडकम्जय जननि सुधासमुद्रांतरुद्यन्मणी द्वीपसंरूढ बिल्वाटवी मध्यकल्पद्रुमाकल्प-कादंबकांतार-वासप्रिये कृत्तिवासप्रिये सर्वलोकप्रिये, सादरारब्ध-संगीत-संभावना-संभ्रमालोलनी पस्रगाबद्ध-चूलीसनाथत्रिके सानुमत्पुत्रिके, शेखरीभूत-शीतांशुरेखा-मयूखावली-बद्धसुस्निग-नीलालक-श्रेणिशृंगारिते लोकसंभाविते कामलीलाधनुस्सन्निभ-भ्रूलतापुष्पसंदोह-संदेह-कृल्लोचने वाक्सुधासेचने चारुगोरोचना पंककेळी-ललामाभिरामे सुरामे रमे, प्रोल्लसद्वालिका-मौक्तिकश्रेणिका-चंद्रिकामंडलोद्भासि लावण्यगंडस्थल-न्यस्तकस्तूरिकापत्र-रेखासमुद्भूत सौरभ्यसंभ्रांत-भृंगांगनागीत-सांद्रीभवन्मंद्र-तंत्रीस्वरे सुस्वरे भास्वरे, वल्लकीवादन-प्रक्रियलोल-तालीदलाबद्ध-ताटंकभूषा-विशेषान्विते सिद्धसम्मानिते, दिव्यहालामदोद्वेल-हेलालसच्चक्षुरांदोल-नश्री समाक्षिप्त-कर्लेकनीलोत्पले श्यामले पूरिताशेष-लोकाभिवांछाफले श्रीफले, स्वेदबिंदूल्लसद्भाल-लावण्य निष्यंद-संदोह-संदेहकृन्नासिका-मौक्तिके सर्वविश्वात्मिके सर्वसिद्यात्मिके कालिके मुग्गमंदस्मितोदार-वक्तस्फुरत् पूगतांबूल-कर्पूरखंडोत्करे ज्ञानमुद्राकरे सर्वसंपत्करे पद्मभास्वत्करे श्रीकरे, कुंदपुष्पद्युति स्निग्धदंतावली-निर्मलालोल-कल्लोल-सम्मेलनस्मेरशोणाधरे चारु वीणाधरे पक्वबिंबाधरे,

सुललित नवयौवनारंभ-चंद्रोदयोद्वेल-लावण्यदुर्गा-भवाविर्भवत्कंबु-बिंबोकभृत्कंधरे सत्कलामंदिरे मंथरे दिव्यरत्नप्रभाबंधुरच्छन्न-हारादिभूषासमुद्योत-मानानवद्यांगशोभे शुभे, रत्नकेयूर-रश्मिच्चटापल्लव-प्रोल्लसदोल्लताराजिते योगिभिः पूजिते विश्वविज्मंडल व्याप्त माणिक्यतेजस्स्फुरत्कंकणालंकृते विभ्रमालंकृते साधुभिः पूजिते वासरारंभवेलासमुज्जृंभ माणारविंद-प्रतिद्वंद्वि-पाणिद्वये संततोद्यद्दये अद्वये दिव्यरत्नोर्मिका-दीधितिस्तोम संध्यायमानांगुली-पल्लवोद्यन्नखेंदु-प्रभामंडले सन्नुता-खंडले चित्रभामंडले प्रोल्लसत्कुंडले,

तारकाराजि-नीकाशहारावलि-स्मेर चारुस्तनाभोग-भारानमन्मध्य-वल्लीवलि-च्छेदवीचीसमुद्य-त्समुल्ला-संदर्शिताकार-सौंदर्यरत्नाकरे वल्लकीभृत्करे किंकरश्रीकरे, हेमकुंभोपमोत्तुंग वक्षोजभारावनमे त्रिलोकावनमे लसद्वृत्तगंभीर नाभीसरसीर-शैवालशंकाकर-श्यामरोमावली-भूषणे मंजुसंभाषणे, चारुशिंचत्कटीसूत्र-निर्भत्सिता-नंगलील-धनुश्शिंचिनी-डंबरे दिव्यरत्नांबरे,

पद्मरागोल्लसन्मेखला-मौक्तिकश्रेणि-शोभाजित-स्वर्णभूभृत्तले चंद्रिका शीतले विकसितनवकिंशुकाताम्रदिव्यां शुकच्चन्न चारूरुशोभा-पराभूतसिंदूर-शोणायमानेंद्र-मातंगहस्ताले वैभवानरले श्यामले कोमलस्निग-नीलोत्पलोत्पादितानंग-तूणीरशंका-करोदार जंघालते चारुलीलागते नमदिक्पालसीमंतिनी कुंतलस्निग-नीलप्रभापुंज-संजातदुर्वांकुराशंक सारंगसंयोग-रिंखन्नखेंदूज्ज्वले प्रोज्ज्वले निर्मले प्रह्व देवेश लक्ष्मीश भूतेश तोयेश वाणीश कीनाश दैत्येश यक्षेश वाय्वग्निकोटीरमाणिक्य संहृष्टबाला तपोदाम लाक्षारसारुण्यतारुण्य लक्ष्मीगृहीतांघ्रिपद्मे सुपद्मे उमे, सुरुचिरनवरत्नपीठस्थिते सुस्थिते रत्नपद्मासने रत्नसिंहासने शंखपद्मद्वयोपांकिते विश्रुते तत्र विघ्नेशदुर्गावटु क्षेत्रपालैर्युते मत्तमातंग कन्यासमूहान्विते भैरवैरष्टभार्वेष्टिते मंचुलामेनकाद्यंगनामानिते देवि वामादिभिः शक्तिभिस्सेविते धात्रि लक्ष्म्यादि शक्त्यष्टकैः संयुते मातृकामंडलैर्मंडिते यक्षगंधर्वसिद्दांगना मंडलैरर्चिते,

भैरवी संवृते पंचबाणात्मिके पंचबाणेन रत्या च संभाविते प्रीतिभाजा वसंतेन चानंदिते भक्तिभाजं परं श्रेयसे कल्पसे योगिनां मानसे द्योतसे छंदसामोजसा भ्राजसे गीतविद्या विनोदाति तृप्लिन कृष्णान संपूज्यसे भक्तिमच्चेतसा वेधसा स्तूयसे विश्वहृद्येन वाद्येन विद्याधरैर्गीयसे, श्रवणहरदक्षिणक्वाणया वीणया किन्नरैर्गीयसे यक्षगंधर्वसिद्दांगना मंडलैरर्च्यसे सर्वसौभाग्यवांछावतीभिर्वधूभिस्सुराणां समाराध्यसे सर्वविद्याविशेषत्मकं चाटुगाथा समुच्चारणाकंठमूलोल्लसद्वर्णराजित्रयं कोमलश्यामलोदारपक्षद्वयं तुंडशोभातिदूरीभवत् किंशुकं तं शुकं लालयंती परिक्रीडगा,

पाणिपद्मद्वयेनाक्षमालामपि स्फाटिकीं ज्ञानसारात्मकं पुस्तकंचांकुशं पाशमाबिभ्रती तेन संचिंत्यसे तस्य वक्षांतरात् गद्यपद्यात्मिका भारती निस्सरेत् येन विध्वंसनादा कृतिर्भाव्यसे तस्य वश्या भवंति स्त्रियः पूरुषा येन वा शातकंबद्युतिर्भाव्यसे सोपि लक्ष्मीसहसैः परिक्रीडते, किन्न सिद्ध्येद्वपुः श्यामलं कोमलं चंद्रचूडान्वितं तावकं ध्यायतः तस्य लीला सरोवारिधीः तस्य केलीवनं नंदनं तस्य भद्रासनं भूतलं तस्य गीर्देवता किंकरि तस्य चाप्टाकरी श्री स्वयं,

सर्वतीरात्मिके सर्व मंत्रात्मिके, सर्व यंत्रात्मिके सर्व तंत्रात्मिके, सर्व चक्रात्मिके सर्व शक्त्यात्मिके, सर्व पीठात्मिके सर्व वेदात्मिके, सर्व विद्यात्मिके सर्व योगात्मिके, सर्व वर्णात्मिके सर्वगीतात्मिके, सर्व नादात्मिके सर्व शब्दात्मिके, सर्व विश्वात्मिके सर्व वर्गात्मिके, सर्व सर्वात्मिके सर्वगे सर्व रूपे, जगन्मातृके पाहि मां पाहि मां पाहि मां देवि तुभ्यं नमो देवि तुभ्यं नमो देवि तुभ्यं नमो देवि तुभ्यं नमः ||